ORDES DO MECO 2017

ACTIVIDADES ENTROIDO

ACTIVIDADES LIM PARA TRABALLAR NA AULA.

PINCHA NA IMAXE E APRENDE COMO SON OS ENTROIDOS DE OURENSE 

PINCHA PARA APRENDER

PINCHA NA IMAXE PARA TRABALLAR

PINCHA PARA APRENDER O QUE É UN .......

                                                 
                                 FAI UNS ANOS O PROFE DIEGO BARREAL ENSINOUNOS COMO SE PREPARA UN AUTENTICO PELIQUEIRO. PINCHA NA IMAXE PARA VER O VIDEO


Aquí vos deixo o video de Kepa Junkera que dedicou unha canción e un videoclip aos PELIQUEIROS DE CASTRO

PINCHA NO PELIQUEIRO PARA VER O VIDEOCLIP

UNIDADE DIDÁCTICA O ENTROIDO ( OS BOLECHAS)

O entroido é unha das festas máis tradicionais da nosa comunidade, con múltiples variantes segundo o lugar. E é tamén unha das preferidas polos máis novos, de aí a facilidade para aproveitar este interese e traballar múltiples aspectos formativos: historia, xeografía, tradición, valores, música, gastronomía, plástica… As posibilidades son case infinitas pero nesta guía trataremos de simplificar conceptos para que os máis novos (2 a 5 anos) teñan un primeiro achegamento ao carnaval e, en concreto ao entroido galego, e participen del dunha forma activa e alegre, ao tempo que facemos un primeiro achegamento a conceptos moito máis complexos como a tolerancia, a igualdade de sexos etc. 

PINCHA PARA ACCEDER A UNIDADE COMPLETA

ENTROIDO 2014

TESTAMENTO DA MECA 2014

Neste triste día
de longo inverno,
a Dona Meca imos queimar,
por tódalas traizóns
que nos fixo pasar
e coa letra desta testemuña 
ímolo xustificar.
Considerámoste culpable
das inclemencias metereolóxicas, 
por influir negativamente
nos homes do tempo 
e facer que anunciara,
tódolos días,
moita choiva e forte vento.
Ademáis por dicir
que non ía parar de chover
dende a mañá
ata o anoitecer.

Tamén considerámoste causante
de múltiples inundacións
dende Galicia ata Castellón,
e de facer voar tellados,
en casas, escolas e pavillóns.
E por mandarnos cicloxéneses, 
coma Ruth e Stephanie,
e outros trens cunha morea de vagóns.
Tamén ímoste queimar
polo sexista que ti es,
pois elixiches, para nomear catástrofes
soamente, nomes de muller.
Durante toda unha semana,
déchesnos ordes
que cumpremos de boa gana.
Fixéchesnos ir á praia 
polo que che imos queimar
ata a saia, 
pois estamos no inverno
e vai un frío do demo.

Fixéchesnos parecer
o que non queríamos ser.
Cun sombreiro na cabeza,
lentes e flotador,
viñemos á escola
en bikini e bañador.

Fixéchesnos pintar 
a cara pola mañá,
cando tiñámola
recén lavada.

Anos levamos 
pedíndoche unha piscina
e ti só nos mandas
un tremendo clima.

Polo inverno que nos deches,
ímoste plantar foguetes.

Tódolos días choiva
nin un só día de sol ou de troula.

Condenámoste Meca no lume a morrer
por tódolos males que nos fixeches padecer.

Adeus aos políticos ladróns
que rouban un montón
e inda lles dan o perdón.

Por esta crise
que é un asco
só da menos traballo
para as nais e pais do Chano.

Por todos os sucesos malos
que pasaron no colexio
e non eran do noso desexo.

Non che temos medo
nin gardamos segredos.
Se queres coñecernos 
que saibas
que de 5º somos, estas nenas e nenos.


 


DESFILE POR GONDOMAR 
O 28 DE FEBREIRO.

Comezou o Entroido, e este ano o día 28 de Febreiro sairán do Chano Piñeiro decididos a viaxar xuntos no tempo, para ollar as  rúas e as  xentes de Gondomar , unidos nun so grupo: cavernícolas, romanos, guerreiros celtas, bufóns, campesiños mediavais, artesáns, rapeiros e ata hippies.

 Estade atentos pois invadirán as rúas de Gondomar aproximadamente a partir das 11:00, se o tempo o permite.

Para a festa, os nenos/as dos grupos A serán os encargados de traer doces típicos de Entroido como orellas, biscoitos, marruchos, filloas, etc, para compartir cos grupos B. A auga será aportada polo Concello.

ORDES DA MECA 2014

A RAIÑA DO ENTROIDO DONA MECA FIXO CHEGAR MEDIANTE UN COMUNICADO AS SEGUINTES ORDES:

MECA REALIZADA POLOS NENOS/AS DE 6º

LUNS: GORRO DE BAÑO, PAMELA OU GORRA.

MARTES: GORRO DE BAÑO, PAMELA OU GORRA E BAÑADOR POR ENCIMA DO PANTALÓN.

MÉRCORES: GORRO DE BAÑO, PAMELA OU GORRA, BAÑADOR POR ENCIMA DO PANTALÓN E GAFAS DE SOL.

XOVES: GORRO DE BAÑO, PAMELA OU GORRA, BAÑADOR POR ENCIMA DO PANTALÓN, GAFAS DE SOL E FLOTADOR OU  MANGUITOS.

A volta do Entroido, o xoves 6 de Marzo todos debemos vir vestidos de loito para queimar a meca e ler o seu testamento.

A CONTINUACIÓN PRESENTAMOS UNHA SERIE DE RECURSOS PARA TRABALLAR O ENTROIDO NAS AULAS, PROPOSTAS DOUTRAS ESCOLAS QUE AGRADECEMOS AL COLGUEN NA WEB.

Pincha na imaxe para xogar

PARA INFANTIL AQUÍ TEDES UN XOGO PARA ATOPAR O DISFRAZ

CONTO E ACTIVIDADE LIM CARNAVAL EN EL ZOO
DE FABIÁN SEVILLA

PINCHA NA IMAXE

ANA REY NOS DEIXA UN CONTO E ACTIVIDADE LIM

ENTROIDO 2013

O PROFE DIEGO ENSINOUNOS COMO SE VISTE UN AUTÉNTICO PELIQUEIRO

Á volta do entroido, no colexio queimamos o MECO e o profe Diego vestiuse co traxe tradicional do entroido de Castro e de Laza, o PELIQUEIRO. 

A presencia desta figura de entroido non pasou inadvertida no colexio, o podedes ver no seguinte video. 

PINCHA NA IMAXE PARA VER O VIDEO E FOTOS

XUIZO DO MECO 2013 FEITO POR NENOS/AS DE 6º DE PRIMARIA

Bos días nenas e nenos.

Estamos aquí xuntiños os do Chano para xulgar a este meco por tantos males como nos fixo.

Culpámoste meco:

• dos nosos deberes que non podemos respirar por culpa deles.
• por madrugar sen ter a recompesa de poder xogar.
• polo pouco tempo de recreo.
• polos profes que en vez de deixarnos xogar obríganos a estudiar.
• polas riadas de Gondomar que ainda nos van afogar.
• polo paro galego que hai neste tempo.
• polo traballo que nos fas pasar.
• por todos os incendio que fan os galegos.
• todos os desafiuzamentos do noso concello.
• polo mal tempo en Gondomar que non nos deixa sair xogar.
• polos equipos de Gondomar que non saben gañar.
• polas profes que hai neste cole que son as máis malas de todo Gondomar.
• Culpámoste meco de Gondomar que o hoxe tanto nos fas chorar.

ACTIVIDADES

SOBRE O ENTROIDO EN OURENSE E OS PELIQUEIROS

ACTIVIDADE LIM PARA PRIMARIA MOI INTERESANTE

MASCARAS PARA IMPRIMIR Y COLOREAR

A QUEIMA DA MECA

OS NENOS/AS DE QUINTO FIXERON UNHA SENTENZA DE MORTE E O SEU TESTAMENTO

AQUÍ VOS DEIXO O SEU TRABALLO

SENTENZA

Hoxe,

con xuíz, avogados e fiscais,

a meca no lume imos botar

por todos os malos momentos que nos fixo pasar.

Este ano coñecemos a Laika Jones,

que é una exploradora mala e sen corazón.

Culpámola polos seguintes casos:

Por botar tanta auga do ceo

e non deixarnos xogar no recreo.

Por mandar tantos deberes,

por estragar os nosos xoguetes.

Meca, meca,

ímoste queimar

polo ridículo que esta semana

nos fixeches pasar.

Meca malvada,

amargada,

afastada,

que non sabes facer nada.

Dicímosche adeus

polas moitas familias de refuxiados

que fame e frío fixeches pasar.

Polos atentados en París,

canta xente morreu alí!

Ímoste incinerar

pola tristeza que fixeches pasar.

Meca, non se poden nomear

as cousas que nos fixeches afrontar.

Meca, meca,

por todas as enfermidades

ímoste condenar

e non imos chorar.

Por ocasionar todos os incendios de España

e por malgastar auga.

Por tantos animais en perigo de extinción

e, tamén, pola contaminación.

Por culpa túa as bombillas estoupan

e non temos luz para debuxar.

Polas inundacións en Gondomar,

agora vas chorar!

Polos políticos ladróns,

que rouban millóns e millóns.

Por tanta corrupción,

que inxusta situación!

Hoxe vas lamentar

o que nós tivemos que pagar!

Querida Laika Jones,

tampouco nos esquecemos da violencia de xénero,

que cada mes é noticia nos distintos medios.

.

Polos pupitres estropeados,

pretendes evitar que aprendamos?

Abrigos desaparecidos, documentos borrados,

que intentas facer?

Ímoste queimar,

por facer rir sen parar,

por facer esta festa

sen pés nin cabeza.

chora, chora, chora.

A moita xente xuntarás,

ao redor túa estarán

e unha festa farán.

Meca, meiquiña,

queimámoste por maliña.

Escoita, exploradora,

xa chegou a túa hora.

TESTAMENTO

Este ano á meca Laika Jones imos purificar,

xa que cousas malas nos fixo levar.

Pero a meca decidiu deixarnos as súas pertenzas,

xa que son moi bonitas, marabillosas.

E a meca dá isto:

Os meus libros aos de infantil, os máis pequenos,

xa que lles queda moito por aprender nos colexios.

Para os de primeiro,

un avión ultralixeiro.

Para os de segundo

unhas pipas Facundo.

Para os de terceiro,

algo relacionado coa música,

un pandeiro.

Para os de cuarto,

o meu cuarto.

Para os de quinto,

que me fixeron o testamento,

dou palabras e palabras

para que as leven sempre no pensamento.

Para os de sexto,

que me crearon,

doulles mil apertas

para que sigan así de contentos!

A miña casa aos sen teito,

para que polo menos teñan un lugar onde comer queixo.

A miña alegría aos que non a teñen,

xa que pode ser moi útil para toda a xente!

A miña vaixela para os máis comellóns

que, se quedan sen pratos,

póñense moi gruñóns.

Non me esquecín de vós,

mestres, mestras e director,

para vós hai un agasallo

moi grande de tamaño:

é a miña vivenda,

para que a coidedes

moi, moi ben.

TRABALLAMOS AS CULTURAS

MANDATOS DA MECA 2016

AUTORIZACIÓN PARA ASISTIR Á COMPARSA DE ENTROIDO

DEIXO A AUTORIZACIÓN DO ENTROIDO POR SE ALGUÉN A ESTRAVÍA.

PINCHA  NA IMAXE

NOTA PARA AS FAMILIAS

O Entroido 2016

Comezou o Entroido, e este ano o día 5 de Febreiro sairán moi ilusionados, os nenos e nenas do
 Chano Piñeiro , unidos nun só grupo representando algunhas das distintas culturas do mundo. 

A comparsa chámase “As culturas do mundo”O desfile comezará ás 11 horas, no pavillón de
 Gondomar.

En caso de choiva o desfile será no pavillón do centro, e as familias poderedes ver os vosos fillos/as 
a partir das 10:30. Cando remate o desfile deberedes abandonar o centro

Para a festa, os nenos/as dos grupos de 3 anos de Educación Infantil, segundo,
 cuarto e sexto de primaia serán os encargados de traer doces típicos de Entroido
 como orellas, biscoitos, rosquillas, filloas, etc, para compartir cos grupos de 
4 anos e 5 anos de educación infantil e  primeiro terceiro e quinto de primaria. 
A auga será aportada polo Concello.

A queima da Meca, farémola o Xoves 11 de Febreiro, os nenos/as deben vir vestidos 
de loito para despedir a Raíña do Entroido. O Concello tamén aportará para este día 
rosquillas para todos os nenos/as do centro.O Equipo de Actividades Complementarias.

A MECA 2016

A meca é unha personaxe que elaboran os nenos/as de 6º de Primaria, vai mandando ordes unha semana antes do Entroido para todo o centro.

Non ten que ser un disfrace completo, son complementos, que poderedes elaborar na casa con materiais de refugallo. Poñer en xogo a vosa imaxinación. O importante é pasalo ben. Recordar que os disfraces máis bonitos son os elaborados por nos mesmos.

COREOGRAFÍAS PARA O ENTROIDO

 A MESTRA  DE MÚSICA ESTÁ A TRABALLAR  COS NENOS/AS AS COREOGRAFÍAS PARA O DÍA DO ENTROIDO.

PRACTICADE MOITO, TEN QUE SAÍR MOI BEN.

ÁNIMO RAPACES E RAPAZAS!!!!!!

PRIMEIRO

SEGUNDO

TERCEIRO

CUARTO

QUINTO

SEXTO

FOTOS DA QUEIMA DO MECO

PINCHA NA IMAXE PARA VER AS FOTOGRAFÍAS

DESFILE DE ENTROIDO 2015

 FOTOS PINCHA NA IMAXE

XOVES DISFRACE LIBRE

 PINCHA NA IMAXE PARA VER A PRESENTACIÓN DE FOTOS

MÉRCORES VAQUEIROS/AS OU INDIOS/AS

QUE BEN O PASARON XOGANDO NO PATIO O MÉRCORES, NON FIXERON FALTA BALÓNS. DISFRUTARON UN MONTÓN.

PINCHA NA IMAXE PARA VER A PRESENTACIÓN DE FOTOS.

O MARTES O MECO MANDOU IR DISFRAZADOS/AS DE COCIÑEIROS/AS

PINCHA NA IMAXE PARA VER  A PRESENTACIÓN DE FOTOS.

POUCO A POUCO IREMOS INTRODUCINDO MÁIS.

FOTOS DOS DISFRACES DE BEBÉS

 O LUNS O MECO MANDOU IR DISFRAZADOS DE BEBÉS.

AQUÍ DEIXO ALGUNHAS FOTOS.

PINCHA NA IMAXE PARA INICIAR A PRESENTACIÓN

XUÍZO O MECO CERBERO ( 19 DE FEBREIRO DE 2015)

PINCHA NA IMAXE PARA LER O TESTAMENTO AO MECO CERBERO FEITO POR

NENAS/OS DE QUINTO  DE PRIMARIA.

O MECO CERBERO

O REI DO ENTROIDO DON MECO CERBERO FIXO CHEGAR MEDIANTE UN COMUNICADO AO CHANO PIÑEIRO AS SEGUINTES ORDES QUE DEBEREDES CUMPRIR.

QUEDOU MOI CHULO.

UN APLAUSO MERECIDO PARA OS NENOS/AS DE SEXTO DE  PRIMARIA.

                         

SE QUERES DIVERTIDO SER,

   VARIOS DISFRACES DEBES FACER:

O LUNS O PRIMEIRO DÍA É,

       E MOI LEDO A ESCOLA VEN,

               NON ESQUEZAS VESTIRTE DE BEBÉ.

O MARTES MEUS COMPAÑEIROS/AS

        TRASTES, LISTOS/AS E REVULDEIROS/AS

                IMOS VIR DISFRAZADOS/AS DE COCIÑEIROS/AS.

O MÉRCORES VIAXAMOS Ó OESTE,

         DE INDIOS/AS OU VAQUEIROS/AS

                  MEUS ALUMNOS/AS FESTEXEIROS/AS.

O XOVES NON O VAS A CRER,

               DISFRACE LIBRE

                           PODES TRAER.

O meco é un personaxe que elaboran os nenos/as de sexto primaria, vai mandando ordes unha semana antes do Entroido para todo o alumnado do centro.

Non ten que ser un disfrace completo, son complementos, que poderedes elaborar na casa con materiais de refugallo. Poñer en xogo a vosa imaxinación. O importante é pasalo ben. Recordar que os disfraces máis bonitos son os elaborados por nos mesmos.

Á volta do Entroido, o xoves 19 de febreiro, todos deberedes vir vestidos de loito para queimar o meco e ler o seu testamento, elaborado por nenos/as de quinto curso de primaria.

PARTICIPACIÓN DO CHANO PIÑEIRO NO ENTROIDO DO CONCELLO DE GONDOMAR

O CEIP CHANO PIÑEIRO participará na  comparsa de escolares que organiza o Concello de Gondomar.   Será o día 13 de febreiro ás 11:00 da mañá.

Tamén vos deixamos a programación do Concello por si é do voso interese.

Agardámos que vos gusten os disfraces.