CHARLAS

CHARLAS SOBRE ACOSO ESCOLAR

O Goberno de España desenvolve O PLAN DIRECTOR PARA A CONVIVENCIA E A MELLLORA DA SEGURIDADE NOS CENTROS EDUCATIVOS E NOS SEUS CONTORNOS CURSO 2015-2016.

O centro solicitou a actividade “Acoso Escolar”, xa que consideramos importante ter información sobre este tema e facilitada por expertos, dada a crecente problemática existente.

Esta actividade será desenvolvida por persoal da Garda Civil en dúas fases:

• O martes 23 de febreiro: charla ás familias ás 18:30 horas. Esperamos contar coa vosa asistencia.
• O mércores 24 de febreiro charla ao alumnado de 5º e 6º de Educación Primaria que se realizará ás 12 horas.

                                              

FOTOS DA VISITA Ó MUSEO CIENTÍFICO

MUSEO CIENTÍFICO

                                               MUSEO CIENTÍFICO                                                MAIO 2015

O alumnado de 3º, 4º ,5º e 6º van a gozar, os días 7 e 8 de Maio, dun Museo Científico, instalado na biblioteca do centro. Este consta de 70 obxectos co lema “prohibido non tocar”

É un museo interactivo adicado a promover a curiosidade e o interese dos nenos/as pola ciencia e a natureza.

É moi interesante para o alumnado porque fomenta as ganas de aprender sobre gran variedade de disciplinas científicas.

Esta actividade foi ofertada polo Concello de Gondomar.

Para máis información, consultar o blogue de Actividades Complementarias.

http://actividadescomple.blogspot.com.

O Equipo de Actividades Complementarias

DOBRAXE NA ESCOLA

O Concello de Gondomar ofertou  un obradoiro de dobraxe para nenos/as de cuarto e quinto de primaria que  aceptamos gustosamente.

Farase na mañá do martes 21 de abril, dentro do horario escolar. 

É un proxecto de Suso Pando e Manuel Pombal ( FMEC Producións)

"Dobraxe na Escola" é unha actividade lúdica educativa que ten como finalidade achegarlles aos nenos/as, dun xeito ameno e didáctico, o mundo do dobraxe.

Realizarase utilizando monicreques e un xogo dramático que mostra os pasos da elaboración dunha película, para finalmente  ensaiar entre todos un pequeno fragmento.

Campaña educativa "Separemos ben, reciclaremos mellor"

4 de Xuño

Dende SOGAMA  ofrecen ao centro a posiblilidade de formar parte dunha iniciativa de formación  a cargo de educadores especializados na materia, unha serie de actividades formativas dirixidas ao alumnado, ao que se lle trasladará os coñecementos necesarios para que  estes aprendan a xestionar correctamente o lixo que producen a diario, capacitándoos mesmo para levar a cabo unha tarefa pedagóxica na súa contorna  familiar e social máis inmediata.

Esta Campaña de Concienciación e Educación Ambiental sobre Residuos  Domésticos está promovida pola Xunta de Galicia, Sogama, Ecoembes, Ecovidrio e os SIG de pilas, conta cunha xornada educativa pensada para o alumnado de ensino primario.

A xornada prantéxase para o día 4 de Xuño e cos grupos de terceiro, cuarto,quinto e sexto.

Desenvolvemento da sesión de  50 minutos:

- Charla teórica interactiva.

- Actividades prácticas: xogo de reciclaxe.

-Resolución de dúbidas e repaso de resultados.

-Entrega de material educativo e promocional aos participantes.